நேச்சுரல் ஸ்டார் நானி தொடர்ச்சியாக பிளாக்பஸ்டர் வெற்றிகளைத் தந்து அசத்தி வருகிறார். தற்போது ‘சூர்யாவின் சனிக்கிழமை’ படத்தில் நடித்து வருகிறார்.
இந்த படத்தின் டீசர் நானியின் பிறந்தநாளில் வெளியானது. கூடவே, அவர் டி.வி.வி என்டர்டெயின்மென்ட் நிறுவனம் தயாரிக்கும் புதிய படத்தில் ஹீரோவாக நடிக்கவிருக்கும் அறிவிப்பும் வெளியாகியிருக்கிறது. டீசரும், புதிய பட அறிவிப்பும் நானி ரசிகர்களுக்கு இரட்டை விருந்தாக அமைந்துள்ளது.
தற்காலிகமாக ‘நானி32’ என தலைப்பிடப்பட்டுள்ள இந்த படம் அதிரடியான ஆக்சன் படைப்பாக உருவாகவுள்ளது.
இந்த படத்தின் அறிவிப்பு ஒரு அழகான கான்செப்ட் வீடியோ மூலம் வெளியிடப்பட்டது. ஒரு வன்முறையாளன் அகிம்சையாளனாக மாறினால், அவனது உலகம் தலைகீழாக மாறும். இதுதான் படத்தின் அடிப்படைக் கதை. அதற்கு தனித்துவமான, புதிரான திரைக்கதையமைத்து இயக்கியுள்ளார் சுஜித்.
சுஜித் இப்போது பவர் ஸ்டார் பவன் கல்யாண் நடிக்கும் ‘ஓஜி’ படத்தை இயக்கி வருகிறார். அடுத்ததாக நானியின் இந்த படத்தை இயக்குகிறார்.
நானி நடித்துவரும் சூர்யாவின் சனிக்கிழமை படப்பிடிப்பு முடிந்தபின், ‘நானி32’ படத்தின் படப்பிடிப்பு துவங்கவுள்ளது.
இது குறித்து நடிகர் நானி வலைத்தளத்தில், ‘இது முழுமையான சுஜீத் படம். பவருக்குப் பிறகு இந்த லவ்வரிடம் வருவார்’ என்று பதிவிட்டுள்ளார்.
படக் குழு:
எழுத்து, இயக்கம்: சுஜீத்
தயாரிப்பாளர்கள்: டிவிவி என்டர்டெயின்மென்ட் தனய்யா, கல்யாண் தாசரி
மக்கள் தொடர்பு: சதீஷ்குமார்