அஜித் குமார் நடிப்பில், ‘லைகா புரொடக்ஷன்ஸ்’ சுபாஸ்கரன் தயாரிப்பில், இணையற்ற பொழுதுபோக்கு திரைப்படங்களை உருவாக்கிய மகிழ் திருமேனி இயக்கும் ‘விடாமுயற்சி’ படத்தின் ஃபர்ஸ்ட் லுக் வெளியாகி, ரசிகர்களை உற்சாகப்படுத்தியுள்ளது.
‘மங்காத்தா’ படத்தில் இணைந்து நடித்து ரசிகர்களுக்குப் பிடித்த காம்பினேஷனாக மாறிய நடிகர்கள் அஜித்குமார், த்ரிஷா, ஆக்ஷன் கிங் அர்ஜுன் மூவரும் நீண்ட நாட்களுக்குப் பிறகு இந்தப் படத்தில் இணைந்துள்ளனர். அவர்களுடன் ஆரவ், ரெஜினா கசாண்ட்ரா, நிகில் மற்றும் பலர் முக்கிய கதாபாத்திரங்களில் நடிக்கின்றனர்.
ஃபர்ஸ்ட் லுக் வெளியானபின் லைகா புரொடக்ஷன்ஸ் தலைவர் ஜி.கே.எம். தமிழ்க் குமரன் பேசியபோது, “எங்கள் சிறப்பு தயாரிப்புகளில் ஒன்றான ‘விடாமுயற்சி’ படத்தின் ஃபர்ஸ்ட் லுக்கை வெளியிடுவது மிகுந்த மகிழ்ச்சி அளிக்கிறது. இந்தப் படத்தை அதிகாரப்பூர்வமாக அறிவித்தது முதல் ரசிகர்கள் இந்த படத்தின் மீது தங்கள் அன்பையும் ஆதரவையும் பெருமளவில் வெளிப்படுத்தி வருகின்றனர். அவர்களை மகிழ்விக்கும் விதமாக முதல் பார்வை போஸ்டரை வெளியிட்டிருக்கிறோம். படப்பிடிப்பு விறுவிறுப்பாக நடந்து வருகிறது. ஆகஸ்ட் நடுப்பகுதியில் படப்பிடிப்பு முடிவடையும். ரிலீஸ் தேதியை விரைவில் அதிகாரப்பூர்வமாக அறிவிப்போம்” என்றார்.
சன் டிவி சாட்டிலைட் உரிமையையும், நெட்ஃபிலிக்ஸ் படத்தின் திரையரங்குக்கு பிந்தைய ஓடிடி உரிமையையும் பெற்றுள்ளது.
படக்குழு:-
இசை:அனிருத்
ஒளிப்பதிவு: ஓம் பிரகாஷ்
படத்தொகுப்பு: என் பி ஸ்ரீகாந்த்
கலை இயக்கம்: மிலன்
ஸ்டண்ட்ஸ்: சுப்ரீம் சுந்தர்
ஆடைகள்: அனு வர்தன்
நிர்வாகத் தயாரிப்பாளர்: சுப்ரமணியன் நாராயணன்
தயாரிப்பு நிர்வாகி: ஜே. கிரிநாதன் & கே ஜெயசீலன்
ஸ்டில்ஸ்: ஜி ஆனந்த் குமார்
பப்ளிசிட்டி டிசைனர்: கோபி பிரசன்னா
விஎஃப்எக்ஸ்: ஹரிஹரசுதன்
மக்கள் தொடர்பு: சுரேஷ் சந்திரா