நடிகர் சிலம்பரசன் டி ஆர் பிறந்த நாளில், அவரது ரசிகர்களை மகிழ்விக்கும் வகையில் அவரது அடுத்த படம் பற்றிய அறிவிப்பு வெளியாகியுள்ளது. படத்திற்கு தற்காலிகமாக STR49 என பெயரிடப்பட்டுள்ளது.
பார்க்கிங் படம் மூலம் கவனம் ஈர்த்த இயக்குநர் ராம்குமார் பாலகிருஷ்ணன், மாறுபட்ட களத்தில், கல்லூரி மாணவனாக விண்டேஜ் சிலம்பரசனை, அதிரடி அவதாரத்தில் அறிமுகப்படுத்தும் வகையில், அனைத்து தரப்பினரும் ரசிக்கும் வகையில், கமர்ஷியல் கொண்டாட்டமாக இப்படத்தை உருவாக்கவுள்ளார்.
படத்தை ஆகாஷ் பாஸ்கரனின் டான் பிக்சர்ஸ் தயாரிக்கிறது.
படத்தின் அறிவிப்பு போஸ்டரில் சிலம்பரசன் டி ஆர் திரும்பி நிற்க, ‘தி மோஸ்ட் வாண்டட் ஸ்டூடண்ட்’ என டேக்லைன் எழுதப்பட்டுள்ளது. இந்த மிரட்டலான போஸ்டர், இணையம் முழுக்க பெரும் வரவேற்பைப் பெற்று வருகிறது. சிலம்பரசன் டி ஆர் ரசிகர்களை பெரிதும் உற்சாகப்படுத்தியுள்ளது.
படம் குறித்த மற்ற விவரங்கள் அடுத்தடுத்து வெளியாகும்.