தமிழ்நாடு திரைப்பட இயக்குனர்கள் சங்கம் மற்றும் பெங்களூரைச் சேர்ந்த Ifa நிறுவனம் இணைந்து நடத்திய 2023-ம் ஆண்டிற்கான இன்டர்நேஷனல் குறும்பட போட்டி கடந்த ஜூலை மாதம் நடைபெற்றது. தமிழ்நாடு திரைப்பட இயக்குநர்கள் சங்கத்தின் சார்பில் 12 குறும்படங்கள் போட்டியில் கலந்து கொண்டன.

போட்டியில், இயக்குநர் ராசு மதுரவனிடம் உதவி இயக்குநராக பணியாற்றிய திம்மராயன் சுவாமி இயக்கிய ‘பூம்பூம் மாட்டுக்காரன்’ படம் முதல் பரிசுக்குத் தேர்வாகி, ரூபாய் 1 லட்சத்தை தட்டி சென்றது.

திரைப்பட உதவி இயக்குநரின் வாழ்க்கையை மையமாக வைத்து,  ஒவ்வொருவருடைய வெற்றிக்குப் பின்னால் எவ்வளவு பெரிய வலி இருக்கிறது என்பதை எடுத்துக் காட்டும் விதத்தில் உருவாகியுள்ள இந்த படத்தில், தேசிய விருது பெற்ற இசையமைப்பாளர் ஸ்ரீகாந்த் தேவா, தேசிய விருது பெற்ற எடிட்டர் சபாபு ஜோசப் பணியாற்றியுள்ளனர்.

ராஜராகவன், சுபாஷ் சந்திர போஸ், ஸ்ரீதேவி, பி எம் முருகேசன் ஆகியோரது நடிப்பில் உருவான இந்த குறும்படம் கடந்த ஜூலை 31-ம் தேதி இயக்குநர்கள் சங்கத்தில் ஆர்கே.செல்வமணி, பேரரசு, எழில், சரண், சரவண சுப்பையா மற்றும் உறுப்பினர்கள் பலர் முன்னிலையில் திரையிடப்பட்டது. பார்த்த அனைவரது படத்தைப் பாராட்டி, இந்த படம் இன்னும் பல விருது விழாக்களை அலங்கரிக்கப் போகிறது’ என்று குறிப்பிட்டு படக்குழுவுக்கு வாழ்த்து தெரிவித்தனர்.

போட்டியில் முதல் பரிசு வென்றதையடுத்து, பரிசுக்கான காசோலையையும் பாராட்டுச் சான்றிதழையும் Ifa தயாரிப்பாளர் சரவணன பிரசாத், ஆர் கே செல்வமணி இருவரும் இணைந்து திம்மராயனிடம் வழங்கி வாழ்த்தினார்கள்.