பிரபுதேவா கதையின் நாயகனாக முதன்மையான கதாபாத்திரத்தில் நடிக்க, எஸ் ஜே சினு இயக்கும் ‘பேட்ட ராப்’ படத்தின் டீசரை ‘மக்கள் செல்வன்’ விஜய் சேதுபதி சமூக வலைதள பக்கத்தில் வெளியிட்டு, படக் குழுவினருக்கு வாழ்த்து தெரிவித்திருக்கிறார்.
இந்த படத்தின் படப்பிடிப்பு பணிகள் நிறைவடைந்து, படப்பிடிப்புக்கு பிந்தைய பணிகள் விறுவிறுப்பாக நடைபெற்று வருகிறது. முன்னதாக படத்தின் டீசர் வெளியிடப்பட்டிருக்கிறது. அதில் நடனப்புயல் பிரபுதேவாவின் அசத்தலான நடனமும், ஆக்சன் காட்சிகளும், வேதிகாவின் வித்தியாசமான தோற்றமும் ரசிகர்களை வெகுவாக ஈர்த்திருக்கிறது.
இந்த படத்தில் பிரபுதேவா, வேதிகா, சன்னி லியோன், ரியாஸ் கான், மைம் கோபி, ரமேஷ் திலக், பகவதி பெருமாள், விவேக் பிரசன்னா உள்ளிட்ட பலர் நடித்திருக்கிறார்கள்.
படக்குழு:- பி கே தினில் கதை எழுதி இருக்கும் இந்த படத்திற்கு ஜித்து தாமோதர் ஒளிப்பதிவு செய்ய, டி. இமான் இசையமைத்திருக்கிறார். ஏ ஆர் மோகன் கலை இயக்கத்தை கவனிக்க பட தொகுப்பு பணிகளை நிஷாத் யூசுப் மேற்கொண்டிருக்கிறார். இன்னிசையுடன் கூடிய ஆக்சன் என்டர்டெய்னராக தயாராகி இருக்கும் இந்த திரைப்படத்தை புளூ ஹில் ஃபிலிம்ஸ் மற்றும் புளூ ஹில் நைல் கம்யூனிகேஷன் நிறுவனம் சார்பில் ஜோபி பி. சாம் தயாரித்திருக்கிறார்.