படத்தின் இயக்குநரே ஒளிப்பதிவு செய்யும்போது காட்சிகளின் தரம் கூடுவது உறுதி. அந்த வகையில் ஒளிப்பதிவாளராக இருந்து இயக்குநராகி வெற்றிப் படங்களைக் கொடுத்த விஜய் மில்டன் இயக்கி, ஒளிப்பதிவு செய்துள்ள படம் ‘மழை பிடிக்காத மனிதன்.’ விஜய் ஆண்டனி நடித்துள்ள இந்த படம் வரும் ஆகஸ்ட் 2, 2024 அன்று வெளியாகவிருக்கிறது.

இந்த நிலையில் படம் பற்றி விஜய் மில்டனிடம் கேட்டபோது, “‘மழை பிடிக்காத மனிதன்’ என்ற தலைப்பு கதைக்கு வலுவான தொடர்பைக் கொண்டுள்ளது. படத்தின் ஒவ்வொரு கதாபாத்திரத்திலும் மர்மமும் உணர்ச்சிகளும் இருக்கும் என்று என்னால் நிச்சயம் சொல்ல முடியும். அனைத்து நடிகர்களும் தங்களது கதாபாத்திரங்களுக்கு சிறப்பான நடிப்பின் மூலம் உயிர் கொடுத்துள்ளனர். விஜய் ஆண்டனி எப்போதும் இயக்குநர்களின் நடிகர். இந்தப் படம் அவருக்குள் இருக்கும் நடிப்புத் திறமையை மெருகேற்றி உங்களுக்கு சிறந்த அனுபவத்தைக் கொடுக்கும் என்று உறுதியளிக்கிறேன்” என்றார்.