Tuesday, June 18, 2024
spot_img
HomeCinemaதயாரிப்பாளர் ‘தம்பிகளா நல்லா பண்ணுங்க' என்று ஊக்கப்படுத்தியதால் படம் நன்றாக வந்துள்ளது! -‘லாக்கர்' படத்தின் டிரெய்லர்...

தயாரிப்பாளர் ‘தம்பிகளா நல்லா பண்ணுங்க’ என்று ஊக்கப்படுத்தியதால் படம் நன்றாக வந்துள்ளது! -‘லாக்கர்’ படத்தின் டிரெய்லர் வெளியீட்டு விழாவில் இயக்குநர் யுவராஜ் கண்ணன் பேச்சு

Published on

சினிமா மீது காதல் கொண்ட ராஜசேகர், யுவராஜ் கண்ணன் இருவரும் இணைந்து ‘லாக்கர்’ என்கிற படத்தை இயக்கியிருக்கிறார்கள்.

இந்த படத்தின் டிரெய்லர் வெளியீடு மற்றும் அறிமுக விழா நவம்பர் 21; 2023 அன்று சென்னையில் நடந்தது.

விழாவில் இயக்குநர்களில் ஒருவரான யுவராஜ் கண்ணன் பேசும்போது, இந்த படத்தில் பணியாற்றிய பலருக்கும் இது முதல் படம் என்பதால் தங்களது சொந்தப் படம்போல நினைத்து பணியாற்றி இருக்கிறார்கள். தயாரிப்பாளர் ‘தம்பிகளா நல்லா பண்ணுங்க’ என்று ஊக்கப்படுத்துவார். எங்கள் மீது நம்பிக்கை வைத்தார். அந்த நம்பிக்கை வீண் போகவில்லை என்று நினைக்கிறேன். படம் நன்றாக வந்துள்ளது” என்றார்.

இயக்குநர் ராஜசேகர், நானும் யுவராஜும் 2013ல் இன்ஜினியரிங் கல்லூரியில் சேர்ந்தபோது அறிமுகமாகி நண்பர்களாக இருக்கிறோம். நான் எந்த கதை சொன்னாலும் பொறுத்துக் கொள்பவர் யுவராஜ். நாங்கள் சில ஆண்டுகளாகக் குறும்படங்கள் எடுத்து திரையுலகில் நுழையப் போராடிக் கொண்டிருந்தோம். இந்த கதையை 20 நாளில் தயார் செய்தோம். நல்ல படமாக வந்துள்ளது” என்றார்.

நாயகன் விக்னேஷ் சண்முகம், நாயகி நிரஞ்னி அசோகன் உள்ளிட்ட படக்குழுவினர் அனைவரும் படம் பற்றி பகிர்ந்தனர்.

நிகழ்வின் நிறைவாக படத்தின் டிரெய்லரை படக்குழுவினர் வெளியிட, உதவி இயக்குநர்கள் பெற்றுக் கொண்டார்கள். படம் முழுக்க உழைக்கும் உதவி இயக்குநர்கள் மீது பாராமுகம் காட்டும் திரையுலகில் இது ஒரு முன்னுதாரணமாக அமைந்தது.

படம் பற்றி…

இரட்டை இயக்குநர்களில் கிருஷ்ணன் – பஞ்சு தமிழ்த் திரையுலகில் பிரபலமானவர்கள். அதன் பிறகு பாரதி – வாசு, ராபர்ட் – ராஜசேகர், மலையாள சித்திக் – லால் உள்ளிட்ட இரட்டை இயக்குநர்கள் ரொம்பவே ஃபேமஸ். அந்த வகையில் நீண்ட இடைவெளிக்குப் பின் தமிழில் இரட்டை இயக்குநர்களாக களம் காண்கிறார்கள்.

ராபரி டிராமாவாக உருவாகியுள்ள லாக்கர் படத்தில் கதாநாயகனாக விக்னேஷ் சண்முகம் நடித்துள்ளார். இவர் ஏற்கெனவே ‘இறுதிப்பக்கம்’ என்ற படத்தின் மூலம் அறிமுகமானவர். ‘எதற்கும் துணிந்தவன்’, ‘கேம் ஓவர்’ உள்ளிட்ட படங்களில் எதிர்மறைப் பாத்திரங்களிலும் மாஸ்டர்’‘ படத்தில் குணச்சித்திர வேடத்திலும் நடித்திருக்கிறார். ‘கள்ளச்சிரிப்பு’ என்ற ஜீ5 ஓடிடி தளத்தின் இணைய தொடரிலும் நடித்துள்ளார்.

கதாநாயகியாக அறிமுக நடிகை நிரஞ்சனி அசோகன் நடித்துள்ளார். இவர் சில பைலட் படங்களிலும் ஆல்பங்களிலும் நடித்திருக்கிறார்.

வில்லனாக நிவாஸ் ஆதித்தன் நடித்துள்ளார். இவர் ‘தரமணி’, ‘ரெஜினா’ உள்ளிட்ட படங்களில் நடித்தவர். ‘பிரின்ஸ்’, ‘மிரள்’, ‘குட் நைட்’ உள்ளிட்ட படங்களில் நடித்த சுப்ரமணியன் மாதவன் முக்கிய கதாபாத்திரத்தில் நடித்துள்ளார்.

இப்படத்திற்கு தணிகைதாசன் ஒளிப்பதிவு செய்துள்ளார்.இவர் தரமணி எம்.ஜி.ஆர் திரைப்படக் கல்லூரி மாணவர்.களப்பணி அனுபவத்திற்காக ஓம் பிரகாஷ் மற்றும் பல்லு போன்ற ஒளிப்பதிவாளர்களிடம் பணியாற்றியவர். ஸ்டார் ஸ்போர்ட்ஸ் போன்ற சேனல்களுக்கு ஒளிப்பதிவு செய்து கொடுத்துள்ளவர்.நிறைய விளம்பரப் படங்கள், கார்ப்பரேட் வீடியோக்கள் எடுத்துள்ளவர்.இவர் டெல்டா என்கிற இன்னொரு படத்திலும் ஒளிப்பதிவுப் பணி செய்து வருகிறார்.

அறிமுக இசையமைப்பாளர் வைகுந்த் ஸ்ரீநிவாசன் இசையமைத்துள்ளார்.இவர் ஏற்கெனவே நடிகர் தளபதி விஜய் பிறந்தநாளை முன்னிட்டு அண்ணன் வேற மாதிரி என்ற பாடல் இசை அமைத்தவர். ஏராளமான இசை ஆல்பங்களுக்கும், மை டியர் எக்ஸ் இணையத் தொடருக்கும் இசையமைத்துள்ளவர்.

படத்தில் மூன்று பாடல்கள் இடம் பெற்றுள்ளன. கார்த்திக் நேத்தா,விஷ்ணு இடவன் என இரு பாடலாசிரியர்கள் எழுதி உள்ளனர்.

படத்தொகுப்பு ஸ்ரீகாந்த் கண பார்த்தி.இவர் பென்குயின், குருதி ஆட்டம் போன்ற படங்களில் உதவியாளராகப் பணியாற்றியவர்.இப்படிப் பல்வேறு திறமையானவர்கள் இணைந்துள்ளனர்.

Latest articles

நிவேதா பெத்துராஜ், நரேஷ் அகஸ்தியா நடிக்கும் ‘பருவு’ சீரிஸின் முதல் எபிசோடு ZEE5 தளத்தில் இலவசம்! 

சாதிப்பாகுபாடு, கவுரவக் கொலை... நிவேதா பெத்துராஜ் நடிக்கும் ZEE5 'பருவு' சீரிஸில் பரபரப்பான திருப்பங்கள்! நிவேதா பெத்துராஜ், நரேஷ் அகஸ்தியா,...

பிரபாஸ் ரசிகர்களை உற்சாகமாக்கிய ‘கல்கி 2898 கி.பி’ படத்திலின் ‘பைரவா ஆன்தம்.’

பெரும் காத்திருப்பிற்கு பிறகு 'கல்கி 2898 கி.பி' படத்திலிருந்து 'பைரவா ஆன்தம்' பாடலை வெளியாகியுள்ளது. உலகளாவிய பிரபலங்களாக திகழும்...

ஆஹா ஓடிடி தளத்தின் ‘வேற மாறி ஆபீஸ்’ வெப் சீரீஸ் 2 பூஜையுடன் துவக்கம்!

தென்னிந்திய ஓடிடி உலகில், மக்களின் வாழ்வியலோடு கலந்த, பிராந்திய மொழி படைப்புகளை சிறப்பாக வழங்குவதில், முன்னணி ஓடிடி தளமாக...

‘தியா’ பிருத்வி அம்பர், ‘ரதாவரா’ இயக்குநர் சந்திரசேகர் பாண்டியப்பா கூட்டணியில் உருவாகும் ‘சௌகிதார்.’ அறிவிப்பை வெளியிட்டார் ‘ரோரிங் ஸ்டார்’ ஸ்ரீ முரளி!

'தியா' புகழ் நடிகர் பிருத்வி அம்பர் மற்றும் 'ரதாவரா' படத்தின் இயக்குநர் சந்திரசேகர் பாண்டியப்பா ஆகிய இருவரும் இணையும்...

More like this

நிவேதா பெத்துராஜ், நரேஷ் அகஸ்தியா நடிக்கும் ‘பருவு’ சீரிஸின் முதல் எபிசோடு ZEE5 தளத்தில் இலவசம்! 

சாதிப்பாகுபாடு, கவுரவக் கொலை... நிவேதா பெத்துராஜ் நடிக்கும் ZEE5 'பருவு' சீரிஸில் பரபரப்பான திருப்பங்கள்! நிவேதா பெத்துராஜ், நரேஷ் அகஸ்தியா,...

பிரபாஸ் ரசிகர்களை உற்சாகமாக்கிய ‘கல்கி 2898 கி.பி’ படத்திலின் ‘பைரவா ஆன்தம்.’

பெரும் காத்திருப்பிற்கு பிறகு 'கல்கி 2898 கி.பி' படத்திலிருந்து 'பைரவா ஆன்தம்' பாடலை வெளியாகியுள்ளது. உலகளாவிய பிரபலங்களாக திகழும்...

ஆஹா ஓடிடி தளத்தின் ‘வேற மாறி ஆபீஸ்’ வெப் சீரீஸ் 2 பூஜையுடன் துவக்கம்!

தென்னிந்திய ஓடிடி உலகில், மக்களின் வாழ்வியலோடு கலந்த, பிராந்திய மொழி படைப்புகளை சிறப்பாக வழங்குவதில், முன்னணி ஓடிடி தளமாக...