கிருஷ்ணா நடிக்கும் 23-வது படத்தை அறிமுக இயக்குநர் அப்பாத்துரை பாரதிராஜா இயக்குகிறார். வர்ஷா விஷ்வநாத் கதாநாயகியாக நடிக்கிறார். டான் கிரியேசன்ஸ் எல் கணேஷ் தயாரிக்கிறார்.

இந்த படத்தின் துவக்கவிழா சென்னை பிரசாத் லேப் திரையரங்க வளாகத்தில் பூஜையுடன் நடந்தது.

இயக்குநர் அப்பாத்துரை பாரதிராஜா, ஒளிப்பதிவாளர் நாகர்ஜூன், இசையமைப்பாளர் சாம் சி எஸ், கலை இயக்குநர் பாப்ப நாடு சி உதயகுமார், எடிட்டர் வெற்றி கிருஷ்ணன், மேனேஜர் துரை சண்முகம் உள்ளிட்ட பலர் கலந்துகொண்டனர்.

‘கழுகு’ படத்தின் இயக்குநர் சத்யசிவா படப்பிடிப்பை கிளாப் அடித்து துவக்கி வைத்தார்.

படம் பற்றி இயக்குநரிடம் கேட்டபோது, ”கிராமத்துக் கதையாக, சஸ்பென்ஸ் மற்றும் ஆக்‌ஷன் நிறைந்த கமர்சியல் படைப்பாக, அனைவரும் ரசிக்கும் படமாக இருக்கும்” என்றார்.