விமல் நடிக்கும் 35வது படமான ‘பெல்லடோனா’ சந்தோஷ் பாபு முத்துசாமி இயக்கத்தில் சூப்பர் நேச்சுரல் ஹாரர் படமாக 16 மொழிகளில் உருவாகி வருகிறது. தேஜஸ்வினி ஷர்மா கதாநாயகியாக நடிக்க, இன்னொரு கதாநாயகியாக மணிப்பூரைச் சேர்ந்த மேக்சினா பவ்னம் நடிக்கிறார்.

இயக்குநர் சந்தோஷ் பாபு முத்துசாமியிடம் படம் பற்றி கேட்டபோது, “இந்த படம் விமல் சாருக்கும்,  இதுவரை இல்லாத வகையில் ரசிகர்களுக்கும் ஒரு புதுவிதமான அனுபவத்தை கொடுக்கும். மிகவும் பிரமாண்டமாக படமாக்கப்பட்டு நன்றாக வந்துள்ளது. கதைக்கு ஏற்றார் போல் சக நடிகர்களும் அமைந்துள்ளனர். கேமராமேன், எடிட்டர், மியூசிக் டைரக்டர் என அனைவரும் மிக பக்கபலமாக இருந்து உழைத்து வருகின்றனர்” என்றார். யூபோரியா பிலிக்ஸ் பிரமாண்டமாக தயாரிக்கும் இந்த படத்திற்கு வினோத் பாரதி ஒளிப்பதிவு செய்ய, ஏசி ஜான் பீட்டர்  இசையமைக்கிறார், தீபக் எடிட்டிங் செய்கிறார். அனைத்து பாடல்களையும் இயக்குநர் சந்தோஷ் பாபு முத்துசாமியே எழுதி இருக்கிறார். சண்டைக் காட்சிகளை டேஞ்சர் மணி கையாண்டுள்ளார்.